२०२५ मध्ये कृत्रिम बुद्धिमत्ता

कृत्रिम बुद्धिमत्ता म्हणजे तंत्रज्ञानाची पुढची पातळी गाठून मानवाला प्रगतीच्या पावलावर वेगाने धावायला लावणारे तंत्रज्ञान आणि तितकेच भविष्याच्या दृष्टीने मनात धडकी बनवणारे तंत्रज्ञान. मागील वर्षी कृत्रिम बुद्धिमत्तेने विविध उत्पादने आपल्याला दाखवली. एआयच्या प्रगतीचा हाच वेग २०२५ मध्येही असाच कायम राहील, असा तंत्रज्ञान क्षेत्रातील सर्वांचाच अंदाज आहे. यावर्षी मात्र त्याची व्याप्ती अधिक व्यापक होईल अर्थात जवळपास प्रत्येक क्षेत्रामध्ये हे तंत्रज्ञान उभे ठाकलेले दिसेल, असा बहुतांश तंत्रज्ञांचा अंदाज आहे. एकंदरीत सांगायचं तर आर्टिफिशियल इंटेलिजन्स शिवाय यापुढे पर्याय नाही, असंच म्हणता येईल. मागील काही वर्षांमध्ये एआयमुळे नोकऱ्यांची वाताहत होताना दिसते आहे. परंतु त्यामुळे नवीन नोकऱ्या देखील तयार झालेल्या आहेत. अर्थात हे तंत्रज्ञान आत्मसात करणे, ही जवळपास प्रत्येक क्षेत्रातील नोकरदारांची गरज असणार आहे. विशेषता जनरेटिव्ह एआय अर्थात सर्जनशील कृत्रिम बुद्धिमत्ता यावर विशेषत्वाने लक्ष देण्याची आवश्यकता वाटते.

--- तुषार भ. कुटे